منتديات تغاريد: تذكرون قطعة البلاستيك اللي تنحط بنص كرتون البيتزا؟‎...

منتديات تغاريد تغاريد,منتدى,منتديات,بلاك بيري,يوتيوب,قيمزر,تحميل افلام,اشعار حزينه,قصائد,مسلسلات,فساتين,صور,روايات,توبيكات,ماسنجر,خلفيات,تسريحات وقصات شعر

تذكرون قطعة البلاستيك اللي تنحط بنص كرتون البيتزا؟‎... Mar 2nd 2013, 01:43 تذكرون قطعة البلاستيك اللي تنحط بنص كرتون البيتزا؟ حق ليش؟ حق شحقه؟ شنو هدفها بالحياة؟ إذا الموضوع عبيط وتعرف السبب خلاص وفّر وقتك وشوف موضوع ثاني، يوم سألت الشباب معاي محد كان يعرف قلت احطه تدوينة سريعة. القطعة شكلها مثل طاولة طعام دائرية حق اقزام لونها غالباً أبيض، طبعاً أيام أول كنا نشوفها وايد الحين بس ببعض المطاعم العادية أما الماركات المشهورة بس الكرتون وبس. يسمونها خيمة الكرتون – box tents أو دعامية غطا البيتزا – Pizza Lid support. أول كان عبالي انها تمسك قطع البيتزا، بعدين قلت مستحيل لأنها بثلاث أطراف وما تمسك كل الأجزاء عدل. يوم دورت عرفت ان الغرض منها يا طويلين العمر انها تدعم سقف الكرتون يوم يصكرونه ويحطون فوقه كراتين بيتزا ثانية، إذا ما حطوا هالدعامية الكراتين اللي تحت تتخفس وتخرب البيتزا ويسيح الدهن والجبن يلزق بسقف القوطي وتصير لويه. هالكلام كان أول أكثر من الحين لأن أول كان يستخدمون كراتين عادية ضعيفة ما تتحمل الضغط، هالأيام الماركات المشهورة مثل بيتزاهت ودومينوز دايما نشوفهم يستخدمون كرتون مقوّى. عشان جذي قل استخدام هالقطعة البلاستيكية وايد. الكرتون الضعيف القديم أرخص على أصحاب المطاعم والشركات من الكرتون المقوّى، بس هم يحسبونها على انهم يدفعون أكثر ويضمنون جودة البيتزا يوم توصل البيت ويكون الزبون راضي عنهم، وزيادة هم شكل البيتزا يكون أحلى يوم يفتحونها بدال ما يشوفون هالطاولة القزمه. بالإضافة إلى عيب استخدام هالقطعة مرات كان يحفر أرضية الكرتون مع ضغط الكراتين يوم يوصلون الطلبات ويدمر الدنيا. بما ان الموضوع قصير راح احط صور بيتزا

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions