منتديات تغاريد: أكشط .. و أربح !

منتديات تغاريد تغاريد,منتدى,منتديات,بلاك بيري,يوتيوب,قيمزر,تحميل افلام,اشعار حزينه,قصائد,مسلسلات,فساتين,صور,روايات,توبيكات,ماسنجر,خلفيات,تسريحات وقصات شعر

أكشط .. و أربح ! May 23rd 2013, 23:22 ياصباح الخيرات :2o531687: والليرات :2o531687: .. والوردات :26: والزهرات :26: والشجرات ! والجبنات والزيتونات وكل مافي الشام من خيرات :73: .. كيفكم ياجماعه ادري اشتقتوا لي :5: .. طيب اشقد اشتقتوا لي :) كثر الزهرات ولا الوردات .. ولا كثر مافي شعوركم من قشرات :75:.. ولا كثر مايستنزلون الخوال في لعب السامريات :67:.. ولا كثر السعوديين اللي متبطحين بالشاتات :116:.. ( غبار شاتات ياقدمممي ) و لا كثر مافي تغاريد من شبابات وبنوتات :77: .. ولآ كثر ما في الرياض من خطابات :) .. ( ركزوا فيها ) ! ولا كثر مافي التلفزيون من قنوات يجيبون فيها ناس متعريات وياعيب الشومات .. ( اخلصي العالم جاهم السباتات ) ولعيون المتفاعلين معي نزلت هالموضوعات .. :5: .. وبعد هالحكي اللي كله ذهبات راح أبدأ بالموضوع بدون مقدمات .. :114: .. نعم .. بدون مقدمات :114: .. سمي .. بدون مقدمات :114: ! واللي فوق مكتوب وش يصير .. :444: بالنسبه لي المكتوب فوق مقيدمه :) ! ابقولكم : كتبت في مواضيع كثيره :77:.. وخضت وابحرت في بحور الحياة جميعها ... بس لو اعلمكم عن محاولاتي الشعريه الفاشله تقفون لي ذهولآ واحتراماَ :tongue:.. وترددون : هي التي نظر الاعمي الى ادبها ... واسمعت كلماتها من به صمم ! ( لآ حد يقول للمتنبي :66: ) جيت وودي اكتب موضوع موب مني من هالفراغ اللي لاعب فيني لعب :12793983669:.. ـــ صح قالوا أن الاجازه الحقيقيه هي أن تغلق جهازك وتقاطع الأنترنت و الصحف والتلفزيونات وتسافرون ع من تحبون لجزيره وتوصلون لمرحله ماتعرفون انتم بإي يوم .. ( هيهي :116:.. هذا عندهم :66: ) ! اما عندنا فالحديث يطول :12793983389:, والاهات تكثر :12:, والزواجات تتوافد :12793983667:.. والخطابات تسوي عمليه استنفار .. ( احد يشغل موسيقى 99 بليز :58: ) طبعا هالفتره من الصيف تجتمع فيها كل الاحداث زواجات خطابه بدخل بالموضوع على طول :75: , لان لو جلست اطقطق بتحذفوني بحروف الكيبورد حقتكم :66: ! الساعه ــ 7 ــ مساءً , جهزت القهوه والشاهي والمكسرات وسفره طويله سخيفه :66: ! استعدادا لآ ستقبال وفود من حجاج بيت الله الحرام :58: , اقصد من زوار بيتنا الكريم ! , :116: , اعرفكم على الشخصيتين :) أم سعود : لقبي المطلق عليها ( زكريا زكرته ) :66: انسانه ذات سن ذهب .. و روج احمر .. وقليل من الروج حاكه بسنها :77: والثانيه ام محمد : جلثم :66: ! انسانه حال حال نفسها وتتلقط اللي حولها بكل اريحيه :) ! وتعلك بالعلك مثل العنزي حارس النصر :66: ! وطبعا اهلي مالكم دخل فيهم اسرار عائليه كم مره اقولكم ما تتوبون :58: ! رن الجرس ورن ورن .. والكل وقف كلام :) افتح الباب .. :tongue: انصدم بالواقع المرير ... لآني دايم انا بوجه الباب .. لآ مفر :116: ! هلا هنوف شخبارتس عساتس بخير تس تس تس تس تس .. والجمله المجابه الحمد لله بخير ياجعلك بخير :) ! تفضلوا يا هلا .. ويدخلون ونتبادل الابتسامات .. وانا ابتسامتي تعرفونها اللي حطيتها بوضعيه المزهريه :) :66: تبدا السوالف فلان خطب فلانه وبيعرس عليها , :12793983669: , وفلان طلق حرمته وبنات فلانه حلوات ومزيونات , ( يعني يا امي افهميها واخطبي لولدك منهم :tongue: ) وبدا التعمق بالحديث :tongue: , وفتحوا سالفه الخطابات .. والقائمه تطول قالت امي اخر شي افكر فيه ازوج عيالي من خطابات واصلاً عيالنا ما يطلعون من عوايلهم :5: ! هجمه مرتده :) .. وناولتني جلثم الفنجال .. واعطيها بالراس .. كم كلمه معبره :tongue: قلت وش شفنا من الخطابات:116: !! ياما بنات انظلموا .. وتطلقوا .. بسبايبهم ... امشي بجنازه ولآ تمشي بجوازه :) ! كل وحده الله يرزقها ببيتها .. لآ تتلعبون ببنات الناس ! وكأن مخططاتي الأجراميه بدات تطلع .. لآني بصراحه اكرهه شي اسمه خطابه :116: ما طيقها لآ من باب ولآ من محراب ! تمر من جنبها الوحده تناظرها من فوق لتحت من تحت لفوق :51: على واحد مآ تعرفين منه شي , تحط القمر بيد والشمس بيد .. بس علشان تاخذ حلاوه الخطابه اللي تبدا من 5000 وطالع ! كله علشآن تمدحح بولدهم ويزوجونه البنيه اللي ما تدري عن خفاياه ! وحتى لو سألوا عنه اهلها .. شي تتدخل فيه حريم ومثل هالسوالف ما تصير , هذولي مثل اكشط واربح يا تصيب يا تخيب .. السالفه سالفه رجال بالبدايه , اما لآ دخلت فيها الحريم .. مستحيل تتوفق آلآ ما .... واخذ النظره هذيك حقه امي وابلع العافيه :58: الاوضاع آلآن :tongue: زكريا .. تحك سنها بلسانها وتمسح الروج :tongue: ! وجلثم .. تتشفط فنجال القهوه مع شده بالعلك :) ! ـــ وكالعاده ابدى بالموضوع بسخريه , وانهيه بشيء من الجد ! اتوقع وضحت فكرتي الحين ؟! وكرهي للخطابات :tongue: ! وش وجهه نظركم يا اعضاء اتجاه هذي الاشكال ؟! ( الخطابات ) اللي انتشروا في كل مكان ! وهل انتم مؤييدين او معارضين ! كان معكم المتعه , والابداع الذي ينزف من حرفي .. عندما تكتب الموضوع تتزلزل المنتديات بما فيها :66: ( فيه ثقه مثل كذا ولا لا :77: ) تنويه : آلاحداث التي كتبت اعلاه من بحر خيالاتي ولا تبت للواقع بأي صله :) ( كأني ببدايه مسلسل الخادمه :77: ) احبكم :26: بس لآ حد يسوي مثل القصبي يوم قالت له هذيك انا احووبك :77: ! واخاف اقول احبكم ويطلع لي واحد منكم مثل القذافي ويقول لي من انتٍ ؟! وتجيني صدمه نفستغاريديه :58: ! انتشروا !

You are receiving this email because you subscribed to this feed at blogtrottr.com. If you no longer wish to receive these emails, you can unsubscribe from this feed, or manage all your subscriptions